امتحان مقرر الاقتصاد السياسي
لطلاب السنة الثانية الفصل الثاني
الجاري بتاريخ 26 / 5 / 2009


اشرح باختصار أربعة فقط من المصطلحات التالية : ( 25 * 4 = 100درجة )

بقى طمنونا شبيبة السنة الثانية ..واللي حاملين هالمادة كيف كان الوضع معكن ..وشو رأيكن بهالأسئلة


* وان شاء الله بنضل بنتناقش بكل مادة وأسألتها... كيف كانت ... وشو صار معنا ... بهالموضوع *

بالنسبة للاقتصاد
أنا مني وعلي كتير عجبتني الأسئلة وخاصة انو كنت قارئ سؤالين منهن قبل ساعتين من وقت التقديم

اقتباس

– مفهوم السياسات الاقتصادية وانواعها
– أهداف صندوق النقد الدولي

والحمد لله راح نص الحمل من دربي ... والبقايا كتبت منن شوي ... ولفيت ودرت حوالين المطلوب
بنقول خير ان شاء الله ...

وفوق كل هاد .. مابعرف ليش فتت مبسوط .. وطلعت مبسوط .. ولأ متفائل كمان .. اي الحمد لله

والغريب اني قدمت بالعلوم وأنا بس اسمع اني رح قدم بالعلوم
( فورا بتكهرب ...وبتذكر أول مادة بحياتي الجامعية اللي قدمتها  هنيك ) ... 
وكانت قاعتي اليوم بالكيميا ... وشو هاد ياعمي ... فعلا العز للرز ...مو متل هنغاراتنا ... 
وفرصة انو نقلن لشبيبة العلوم ... مبروك   لون الدهان الجديد للمرة التانية .. هادا جديد غير الأبيض ... وبنقول عقبالنا

وبحب قول لأبو حميد ... اللي كان ع 7,30 الصبح عم يوصيني ببحث التضخم ..
" شو يا باشا وين التضخم تبعك " 
بس شغلة  " صندوق النقد .. والبنك الدولي " زبطت معك والله
وهلأ مو فاضيلك ... الي رجعة ... لأنو الظاهر حبتين البنادول   اللي أخدتن عالصبحيات .. بلش مفعولن وحاسس بالنعس


بالتوفيـــــق للجميع ... وشدو الهمة للي عندو لغة س1 ف1 بكرا ... متلي     ...

ان شالله ترفع مادة معك
بس  وين بدنا نشد همة بنكليزي سنة 1 فصل 1 وعندي اصول محاكمات جزائية  سنة 3
بخلص فحص بعد نص ساعة ع لمادة لبعدها      

والله الاسئلة كان فيها الخير
بس عملنا اللي علينا وكتبنا ومنقول يارب
بس مو كتير حبيت الاسئلة
يعني مارتحتلها
حسيتهن ياقاتل يامقتول
وطبعا مازبط معي غير اول سؤال والباقي عم لف ودور حوليهن
ياريت الفحوصات الجاية تكون احلى وازبط
ومشي الحال قدمنها وعقبال الجاي
بالتوفيق للكل

اقتباس

والغريب اني قدمت بالعلوم وأنا بس اسمع اني رح قدم بالعلوم
( فورا بتكهرب ...وبتذكر أول مادة بحياتي الجامعية اللي قدمتها  هنيك ) ...

أي شو نعمل نحن جماعة الرياضيات يلي مابنقدم غير بالعلوم وعنجد شي بيقرف خصوصا" اذا كنت عم تقدم كل فحصك بالكاريدور
وطقطقة جزمة المراقبة يلي عم تتمختر صرعتلك راسك    

اقتباس

وفرصة انو نقلن لشبيبة العلوم ... مبروك  لون الدهان الجديد للمرة التانية .. هادا جديد غير الأبيض ... وبنقول عقبالنا 

لك يقطع عمرون هنن وهاللون يلي عم يدهنو الكلية فيه     يعني شو كان صار لو حطولنا رخام متل كلية الفنون والله مانون احسن مننا  

بحب قلك مبروك من شان المادة يلي قدمتها وانشالله ترفع كل موادك
ودعيلي رفع موادي انا كمان لانو بدي معجزة من الله لرفعون
صديقتك نيبو

يا سيدي منشكر الله انا بصراحة كنت بدي انسحب قبل الفحص لانو كتير كنت خايف من المادة بس قدمتا عاخر نفس و ان شاء الله برفعا و بتمنا كل اللي قدموا يرفعوا لانو فعلا مادة غليظة و صعبة و اسالتا دجني دجتك العافية

مشكورين fadi11  nibo  sas  lord615 عالمرور والردود ... وتمنياتي بالتوفيق الكن وللجميع

حبيت اسأل ... بسؤال
1 _ تعددية أطر العمل في اقتصاد التخطيط التأشيري .
لو جاوب الواحد ... بس بشرح عام للتخطيط التأشيري ... ياترى مابياخد علامة جزئية ؟

وهادا السؤال
6 – مشروطية قروض البنك الدولي .
جاوبت فيه بشرح كامل " للبنك الدولي " التأسيس / الأهداف / الهيئات / رأسمال / الادارة عليه .
ومريت مرور الكرام على  " مشروطية القروض " ... كمان هون كيف ممكن تنحسب العلامة؟

وبشكل عام ... دكاترة هالمادة ... كيف وضعن بتصليح الأوراق ... 

للي بيعرف ... يجاوبني ... والو جزيل الشكر ... وبالتوفيـــــــق للكل  

ربي يوفقكن ويكون معكن والحمد لله يلي اول مادة ما كانت كتير صعبة واحمد رب العالمين على هيك اسئلة بالاقتصاد السنة الماضية جبلنا اربع اسئلة واختار تلاتة ، الحمد لله على كل حال بعدين الدكتور حبيب محمود كتير بيساعد بالتصحيح  لا تخافوا وان شاء الله خير
مع تمنياتي لكل طالب وطالبة حقوق بالنجاح
اخوكم وزميلكم  الفتى الدمشقي

هلق الاسئلة كانت صعبة  ليش الكذب  بس ..

الي دارس منيح منيح منيح منيح بينجح هه

بالنسبة الي (عملنا الي علينا علينا والباقي على الله )

هلق مشان  الدكاترة والتصليح


فيني احكي بشكل مختصر عن الدورتين السابقتين

الدورة لاولى  عام 2008  انا ماقدمتها لسبب خاص

بس من خلال رفقاتي ومن خلال ماشفت العلامات

الدكتور ساعد كتير الطلاب  يعني الي اخد 45  حطلو 50 

والي مجاوب 3 اسئلة حطلو 75  يعني عالقد

واسئلة كان سهلة  وفيكون تسألو  الي قدمو هي الدورة ..


الدورة التانية  (الماضية )طبعا انا درستها اسئلة دورات  لانو كان عندي متجر ..

الدكتور كان كتير مشتدد  وماعطا علامات بنوب  ..


بقا بركي دورة اي ودورة لاء  او بركي الدورة النظامية بيعطي عليها علامات

ان شاء لله هل المرة يكون التصليح تمام


مشان اسئلتك ايهم

اقتباس

حبيت اسأل ... بسؤال
1 _ تعددية أطر العمل في اقتصاد التخطيط التأشيري .
لو جاوب الواحد ... بس بشرح عام للتخطيط التأشيري ... ياترى مابياخد علامة جزئية ؟

وهادا السؤال
6 – مشروطية قروض البنك الدولي .
جاوبت فيه بشرح كامل " للبنك الدولي " التأسيس / الأهداف / الهيئات / رأسمال / الادارة عليه .
ومريت مرور الكرام على " مشروطية القروض " ... كمان هون كيف ممكن تنحسب العلامة؟

انت وحظك  بس  على فكرة الدكتور حبيب بحب الواحد يكتبلو يعليلو قلبو 


مشان يحس انو الطالب فهمان

بقا ان شاء لله بيعطيك عليهون علامات


واخر شي

موفقين الجمييع واسفين عالاطالة ...

مشكورين الفتى الدمشقي  Medo in law  عالمرور والردود

بخصوص الاقتصاد السياسي... يعني الحمد لله ريحتونا شوي ... بحكيكن عن وضع الدكاترة بالتصليح

اليوم كانت اللغة س1 ف1 ... وهادا رأي الشخصي
كتيـــــــــر ســــهلة ... والأسئلة 50 ... ونص الأسئلة ع 3خيارات بس ... أو ... وصل بين الطرفين
وكمان أسئلة القواعد كانت حاضرة ... بس الحمد لله كانت كمان سهلة ...
بنقول قدمنا منيح ... والباقي على الله ... وان شاء الله خير ... وكمان اليوم كنا بضيافة الكيميا

حبيت أسأل بخصوص الأحوال الشخصية س2 ف1 ... وبكرا موعدها
شو رأيكن بأسئلة الدورات " التعليم المفتوح " أنا سمعت انو كتير من موادنا أسألتها من التعليم المفتوح ... وهي مثال " الأحوال الشخصية سنة تانية "
وبعرف انو في فرق " بين منهاجنا و منهاج التعليم المفتوح " ... بقى عادي ولا بتفرق بأسئلة الدورات 
وأنا عم أسأل كتير عن أسئلة الدورات ... لأنو شوفت عينكن 3 مواد ورا بعض وماعم نلحق ...


تحيتي للكل ... وبالتوفيــــــــق ان شاء الله للجميــــــــــــع ...